كيف ابدأ مشروع وانا لا املك رأس مال ..الحلقة الثالثة .

السلام عليكم ورحمة الله :

اليوم نكملوا قصة الدكتور والمهندس واللي خليناهم المره اللي فاتت في الظهره كانوا يتفرجوا علي مبارأة برشلونة وباريس سانجيرمان مباراة الذهاب اللي ربح فيها الفريق الفرنسي 4 ..0 . والنتيجة كبيره واصبحت مهمة برشلونة في التعويض شبه مستحيله .صغير فرصته في النجاح ممكن تكون بسيطه جدا او معدومه

المهم زي ما حكينا المهندس قاعد بطالة وما يخدمش أما بالنسبة للدكتور يخدم في المستشفي بالبلاش ويخدم في صيدلية في الليل ويأخد 5 دينار في الساعة وذخله الشهري لا يتجاوز 600 دينار ليبي وبانهيار العمله لا يتجاوز 100 دولار للاسف .

المهم الشباب قرروا انهم ما يقفوش مكتفي الايدي وانهم يديروا شي ملموس في الايام هادي بس كل ما يفكروا فكرة يلقوها تحتاج الي رأس مال وجهد وتعب وفي نفس الوقت الوضع الاقتصادي تعبان واحتمال كبير اي مشروع كلاسيكي وبرأس مال صغير فرصته في النجاح ممكن تكون بسيطه جدا او معدومه .

الدكتور عرض علي المهندس انهم يفتحوا صيدلية الدكتور من وجهة نظره يشوف فيها مشروع بسيط لانه هو يشتغل فيها موظف وليس اداري ويعتقد انها عبارة عن جلب دواء وبيعه لا غير وانهم محتاجين مكان كويس ورأس مال صغير يعني كان يتوقع حتي مع ارتفاع اسعار الادوية انهم ممكن يفتحوا بي 40 الف صيدلية بسيطه .

المهم هاذي حسبتهم وهما الاثنين ما عندهمش اي خبرة سابقة في المشاريع ..وهما مش عارفين ان بداية مشروع في الوضع الاقتصادي الحالي مش بالشي السهل ولا قدر الله لو تعرضوا لخسارة من الصعب تعويضها .

قرروا الشباب انهم يبدوا يشفوا كيف كل واحد يدبر في 20 الف باش يفتحوا الصيدلية وما يتأخروش اكتر وكل واحد بدا يشوف من الممكن يسلفه

كيف استطيع ان ابدا مشروع وانا لا املك رأس مال ..الحلقة الاولي .
كيف استطيع ان ابدأ مشروع وانا لا املك رأس مال ...الحلقة التانية .