طبعا اعتذر من جميع متابعي المدونة من الدول العربية بسبب استخدامي اللهجة الليبية وسوف اعيد كاتبة الحلقات باللغة العربية الفصحي ان شاء الله .
المهندس محمد بعد ما تعرف علي الدكتور في الصيدلية وبدوا صحبه زي ما قلنا كلمه واتفقوا انه يطلعوا مع بعض يتفرجوا علي مباراة برشلونة وباريس سان جيرمان ..طبعا الدكتور يشجع في برشلونة ومحمد من جماعة الريال اللي يشجعوا في اي حد يلعب ضد برشلونة المهم قرروا يمشوا للظهره يتفرجوا .وصلوا قبل المباره بحوالي ساعة وخدوا قهاوي وقعدوا يتمشوا كل واحد يشكى للتاني في حاله المهندس اللي شادها بطاله وما يبيش يخدم اي شي والدكتور اللي يخدم في المستشفي من غير فلوس ويخدم في الصيدلية يأخد في 4 دينار علي الساعة الموضوع اللي مضايق منه مش لان المرتب ضعيف او انه كان متوقع غير الشي هذا قبل ما يتخرج مضايق من انه مش لاقي وقت لشي حياته من بين المستشفي للصيدلية ومش لاقي وقت حتي يقرا ويزيد يطور نفسه في الطب .
المهم خلينا نرجعوا للمبارأة لانها قريب تبدا ..طبعا مبارأة الذهاب اللي يحضروا فيها الشباب كانت في فرنسا وكل الترشيحات كانت ان برشلونة حيربحوا او يتعادلوا زي ما محمد والدكتور كانوا متوقعين انهم بعد ما يتخرجوا من الطب والهندسة حيخدموا ويتعينوا ويخدموا في شركات كبيره ومصحات ولكن الحياة العملية مش دائما تكون بهذه الطريقة .
طبعا المباره انتهت بكارته لبرشلونه وخسروا 4 صفر في ملعب استاد دفرانس وهو ملعب حديقة الامراء الذي لعبوا فيه نهائي كاس العالم 98 .المهم امال برشلونه في التاهل اصبحت شبه معدومه وفي هلبا ناس توقعوا نفس الشي اللي صارلهم مع بايرن ميونخ قبل خسروا في المانيا 4 صفروبعدها خسروا في نيوكانب في ملعبهم في اسبانيا 3 شي ..المهم الدكتور ضايق هلبا وقال المباره معاش فيها امل والتأهل ضاع والمهندس من جماعة الريال ومتشمت اكيد .
المهم مبارة الاياب مازال عليها اسبوعين ومازال وقتها واكيد حتكون في الحلقه الجايه مش حلقة اليوم وللحديث بقيه .
السلام عليكم
بقلم: احمد القريو .
كيف استطيع ان ابدا مشروع وانا لا املك رأس مال ..الحلقة الاولي .
كيف ابدأ مشروع وانا لا املك رأس مال ..الحلقة الثالثة .
المهندس محمد بعد ما تعرف علي الدكتور في الصيدلية وبدوا صحبه زي ما قلنا كلمه واتفقوا انه يطلعوا مع بعض يتفرجوا علي مباراة برشلونة وباريس سان جيرمان ..طبعا الدكتور يشجع في برشلونة ومحمد من جماعة الريال اللي يشجعوا في اي حد يلعب ضد برشلونة المهم قرروا يمشوا للظهره يتفرجوا .وصلوا قبل المباره بحوالي ساعة وخدوا قهاوي وقعدوا يتمشوا كل واحد يشكى للتاني في حاله المهندس اللي شادها بطاله وما يبيش يخدم اي شي والدكتور اللي يخدم في المستشفي من غير فلوس ويخدم في الصيدلية يأخد في 4 دينار علي الساعة الموضوع اللي مضايق منه مش لان المرتب ضعيف او انه كان متوقع غير الشي هذا قبل ما يتخرج مضايق من انه مش لاقي وقت لشي حياته من بين المستشفي للصيدلية ومش لاقي وقت حتي يقرا ويزيد يطور نفسه في الطب .
المهم خلينا نرجعوا للمبارأة لانها قريب تبدا ..طبعا مبارأة الذهاب اللي يحضروا فيها الشباب كانت في فرنسا وكل الترشيحات كانت ان برشلونة حيربحوا او يتعادلوا زي ما محمد والدكتور كانوا متوقعين انهم بعد ما يتخرجوا من الطب والهندسة حيخدموا ويتعينوا ويخدموا في شركات كبيره ومصحات ولكن الحياة العملية مش دائما تكون بهذه الطريقة .
طبعا المباره انتهت بكارته لبرشلونه وخسروا 4 صفر في ملعب استاد دفرانس وهو ملعب حديقة الامراء الذي لعبوا فيه نهائي كاس العالم 98 .المهم امال برشلونه في التاهل اصبحت شبه معدومه وفي هلبا ناس توقعوا نفس الشي اللي صارلهم مع بايرن ميونخ قبل خسروا في المانيا 4 صفروبعدها خسروا في نيوكانب في ملعبهم في اسبانيا 3 شي ..المهم الدكتور ضايق هلبا وقال المباره معاش فيها امل والتأهل ضاع والمهندس من جماعة الريال ومتشمت اكيد .
المهم مبارة الاياب مازال عليها اسبوعين ومازال وقتها واكيد حتكون في الحلقه الجايه مش حلقة اليوم وللحديث بقيه .
السلام عليكم
بقلم: احمد القريو .
كيف استطيع ان ابدا مشروع وانا لا املك رأس مال ..الحلقة الاولي .
كيف ابدأ مشروع وانا لا املك رأس مال ..الحلقة الثالثة .
ليست هناك تعليقات: