الدوري السداسي الليبي بين الحقيقة و الخيال و الاستنزاف

 

الدوري السداسي الليبي 3 فرق من بنغازي 2 من طرابلس و فريق من مصراته .ياسر استنزاف للعمله الصعبة و المال العام ..و اللعب في تونس او المغرب او مصر كما في السابق .. يجب ان يكون الذهاب في بنغازي و تأمين بالكامل من الجيهات الامنية في المدينة و الاياب في طرابلس و تأمين كامل من الجيهات الامنية و حيكون تنافس شريف في حسن التنظيم و الضيافة و الاستقبال ..و في النهاية ليبيا واحده و لكن الفتنه فرقتنا و لكن بأدن الله راجعين و روابط التواصل حتي اقوي من قبل

طاقم تحكيم اجنبي و لكن من الدول العربية تونس و مصر و الجزائر و مش حيكون مكلف

حضور الجمهور ضروري و سعر التذكرة 10 دينار ..بيركيدجوا الرياضية يفعل و الدخول للسيارة بمبلغ 2 دينار ..تاجير المقاهي داخل الرياضية لكافي لاتي مثلا في طرابلس خلي الجمهور يدلع روحه خصوصا احيانا في مبارتين في نفس الملعب و نفس اليوم و منها دخل اضافي حتي و لو بسيط او اي براند معروف مش زي زمان تطلب سندوتش يمدلك خيزة و فيها شوية هريسه و من الزحمه ما تلقش تي تحدفه علي وجهه للاسف كان واقع

حقوق البث التلفزيوني ممكن تشرية قناة الوسط بسهولة بمليون و نصف دينار ليبي و يحطوا اعلانات كيا لين يشبعوا ..هذا يضمن انجاح الدور السداسي من غير اخد اي درهم من الدولة بالعكس مفروض الدولة تأخد ضرائب

بالنسبة للفنادق ..من توا اتحاد الكورة ينشر عطاء و خلي الفنادق تتنافس بالاسعار و بالخدمات ..في حالة نادي لم يقبل بالفندق ممكن اعطائة القيمة المالية التي كانت مخصصه لهذا الشي و يضيف من عنده